ضيفنا النهاردة ضيف غير عادي أهمية الكلام معاه النهاردة ما يملكه من معلومات .. معلومات تتعلق بالبرنامج النووي المصري والضبعة وحاجات تانية كتير .. ضيفنا النهاردة هينضم لينا بعد ما نقولكم شوية أخبار ونعرض تقارير عن أحداث حصلت خلال الساعات الماضية ..

صباح الخير مشاهدينا .. بالفعل حلقة خاصة هيكون معانا فيها العالم المصري الكبير الدكتور حامد رشدي رئيس هيئة الطاقة الذرية الأسبق .. عنده معلومات تكفي لكشف غموض حاجات كتير .. مفاعلنا النووي ومفاعل انشاص وعمره الافتراضي وأرض الضبعة وهيئة الأمان النووي .. وحاجات تانية كتير.. تعالوا نبدأ أخبارنا بسرعة .. من عند إيمان

عاوزين نبدأ من أول حاجة معانا من تصريح لدكتور محمد فتحى البرادعى، وزير الإسكان والمرافق،اللي أكد أن الدولة متمسكة بتسعيرة المياه الحالية، ولا توجد أى نية لديها لتحريك الأسعار. وطالما قال كده يبقى النية موجودة زي ما اتعودنا .. البرادعى قال، فى الجلسة المسائية لمجلس الشعب ردا على الأسئلة وطلبات الإحاطة حول تلوث المياه: إن هناك 3 شرائح لاستهلاك المياه، أولها الشريحة الأولى والتى تضم 60% من إجمالى المستهلكين يبلغ سعر المتر المكعب 23 قرشا، وهو السعر المحدد لتلك الشريحة منذ عام 1988.