السلام والتحية على حضراتكو واهلا بيكو معانا امبارح ناقشنا مع حضراتكو امبارح عدد من المشاهد اللي شوفنا فيها الأهالي بخدوا حقهم بأيدهم من البلطجية سواء اللي قتلوا طفلة واصابوا ناس زي اللي حصل في منطقة منشية الجبل الأصفر بالقليوبية فالأهالي ولعوا في بيوتهم أو اللي حصل في المحلة لما الأهالي قبضوا على اتنين حاولوا يخطفوا طفلة وفضلوا يضربوا فيهم لحد ما ماتوا او اللي بيحصل في الشرقية والأهالي هناك ولأكتر من 12 مرة يمسكو بطلجية ويقتلوهم ... وفي كل مشهد كان السؤال الطبيعي هو لية الأهالي بيعملوا كدا وكانت الإجابة انه لأن مفيش أمن وفي غياب تام للشرطة ...النهاردة بقى السفير علاء الحديدى، المتحدث باسم مجلس الوزراء قال في تصريحات ليه تعليقا على تطبيق حد الحرابة من قبل الأهالى بالمحافظات على البلطجية، أنه يجب أن يحترم القانون وعدم تطبيق المواطنين له بأنفسهم لأن ذلك يفتح المجال أمام ظهور جماعات تطبق القانون بأيديها ومن وجهة نظرها مما يضر بأمن المجتمع .. يارترى سيادة المتحدث الرسمي لمجلس الوزراء سأل نفسه هما لية الناس بقت تعمل كدا ولية بقينا نشوف المشهد دا ؟ وياترى اللي عملوا اعضاء جماعة الإخوان المسلمين أمام مقر الإرشاد سواء مع المتظاهرين او الصحفيين مش دا بردوا نوع من الجماعات اللي بتدعي انها بتطبق القانون بأديها .