من جديد اهلا بحضراتكوا .. تصرف جديد يكشف اد ايه حجم التخبط في اداء مؤسسة الرئاسة .. من ايام قليلة اعلنت مؤسسة الرئاسة عدم الطعن على حكم القضاء الاداري بوقف الانتخابات ودا في اطار احترامها للقانون .. النهاردة فوجئنا بهيئة قضايا الدولة .. اللي هي محامي الحكومة .. اللى هي تابعة للرئيس مرسي ، بتفاجئ الجميع وتتقدم بالطعن على حكم القضاء الاداري .. ودا هيخلينا نسأل : هل التخبط في اداء مؤسسة الرئاسة وصل للدرجة دي ؟.. وايه سر التمسك والاصرار للدرجة دي في اجراء الانتخابات رغم انف الجميع بما فيهم القانون .. والسؤال الاهم بعد كل دا .. هو مين الحاكم الفعلي للبلاد ؟ خاصة وان في كلام كتير بيتردد على المواقع الألكترونية ان القرار ده جه بعد اجتماع مغلق فى الرئاسة بين مستشارى الرئيس والإخوان ، أنتهى بترك الطعن على حكم «الإدارى» لهيئة قضايا الدولة .. تساؤلات كتير مطروحة على ضيفنا المستشار محمد حامد الجمل