Zinnouba
زنّوبة<br /><br />قسم 1<br />أنا كويت كيّ الاّ له طبيب * من نار الوجنة و عين محجوبة *<br />كيّ العيون و الوجنة كيّ صعيب * زنده نار على الضّمير مركوبة<br />نجلة مجرّدة سيف على التّشطيب * و الوجنة بها الذّات مرهوبة<br />و الكيّ في علاج المجروج عجيب * أنا الكاوي من اشفار القرهوبة<br />سمّ العيون و الوجنة جمر لهيب * حافو لقتالي بزوج في نوبة<br />الحربة<br />أنا زاودت فيك آذهب التّذهيب * يا مشموم الباهيات زنّوبة<br /><br />قسم 2<br />زاوجت في عذرا مخنترة نحكيى قمرة * و الاّ عفرا معفّرة ترعى النّوّار<br />لاحت وفرة بلا فرا جمرة جمرة * ليس تبرى مسعّرة ترمي بشرار<br />مهرة حرّة محررة لها بشرة * من دون شرا سباتني نجم الغرّار<br />تكسب و الاّ تبيعني ذابل الاشفار<br /><br />زينب كنزي و رباحي * زينب للقلب صلاحه<br />زينب زهوي و افراحي * زينب للطّبّ مراحه<br />زينب هي مفتاحي * و اسراري بها باحو<br /><br />تارة نهيم تارة نحضر و نغيب * تارة نشكي من اقواس منصوبة<br />تارة يهيج وجدي من قدّ رطيب * و سوالف فوق الرّخام مسلوبة<br />غرّة موضّحة و جبين في ترحيب * نحكي نجمة من هلال مسحوبة<br />و عيون زايدة في حشايا تعذيب * و اكباد بجعابهم مجعوبة<br />و الخدّ وردقاني في روض خصيب * فيه نقيش الخال داير عجوبة<br />الحربة<br />أنا زاودت فيك آذهب التّذهيب * يا مشموم الباهيات زنّوبة