Poli i tretë që pritet të krijohet së shpejti do të vendosë nëse pas zgjedhjeve Shqipëria do të qeveriset nga e majta apo nga e djathta. Pohimi vjen nga Paskal Milo, kryetar i Partisë Demokracia Sociale e aleat i socialistëve në zgjedhje. Në një intervistë për A1Report, Milo tha se koalicioni i majtë nuk është xheloz për polin e qendrës, ndërsa nuk përjashtoi një bashkëpunim paszgjedhor me të.

Sipas Milos dalja e PBDNJ nga koalicioni ishte e pritshme por nuk do të ketë ndonjë impakt negativ për të majtën falë forcave të tjera politike që janë bashkuar me të.