DURRES - Një grup çiklistësh të Ambasadës Amerikane në Tiranë kanë përshkuar rrugët e Durrësit për të shpërndarë mesazhin e mbrotjes së Tokës.

Një pjesë e personelit të kësaj ambasade ka gjetur këtë mënyrë për të ftuar qytetarët që ti bashkohen nismës "Jeto Gjelbër". Ata janë nisur nga Shkodra dhe kanë ndaluar në Lezhë dhe Marikaj për të mbërritur më pas në qytetin e Durrësit.

Në Durrës ata janë pritur nga banorët e qytetit bregdetar dhe nga përfaqësues të bashkisë,ndërsa zëvendës ambasadori amerikan, Henry Jardine dha më shumë detaje rreth kësaj nisme.

"Qëllimi i këtij turi çiklistik i ndërmarrë Ditën e Tokës është thirrja që çdokush duhet t'i shërbejë tokës. Nisma 'Jeto Gjelbër' do të përqafohet edhe nga qytetarët shqiptarë. Ne jemi nisur dje nga Shkodra dhe destinacioni ynë është Saranda." tha Jardine

Pas Durrësit grupi i çiklistëve do t'i drejtohet Lushnjës,më pas Vlorës, Dhërmiut për ta përfunduar turin në Sarandë.