LEZHË - Radhë të gjata janë krijuar në zyrat e aplikimit të pasaportave biometrike në qytetin e Lezhës, ku për të aplikuar për një të tillë duhet të zësh vend që në orën 04:00 të mëngjesit.

Janë me dhjetëra qytetarë mes të cilëve fëmijë dhe të moshuar që presin çdo ditë me orë të tëra mes temperaturave të larta pranë këtyre zyrave dhe në shumicën e rasteve largohen pa mbaruar punë.

Fluksi i qytetarëve të cilët më së shumti janë emigrantë dhe kërkojnë të aplikojnë për pasaportë biometrike në ditë shkon deri në 100 persona, ndërsa në këto zyra shërbehet vetëm me një sportel.

Në lidhje me këtë radhët e gjata nuk ka asnjë reagim nga institucionet shtetërore në Lezhë.