http://www.vizionplus.tv
https://facebook.com/VizionPlusTV
https://twitter.com/VizionPlusTV
Për Isa Mustafën, kjo ishte vizita e parë e tij në Tiranë me statusin e kryeministrit të Kosovës. Protokolli i shtetit ishte kujdesur për një ceremoni shtetërore, për nder të kreut të qeverisë së Prishtinës. Në takimin mes dy kryeministrave u diskutua mbi bashkëpunimit dypalësh dhe përgatitjet në funksion të mbledhjes së dytë të përbashkët. Në konferencën për shtyp, kryeministri Edi Rama deklaroi se dy qeverinë kanë hedhur hapa të rëndësishëm në fusha të ndryshme. Por prioritet mbetet ekonomia dhe shkëmbimet tregtare.Deklarata e Ramës gjeti mbështetje nga homologu kosovar. Mustafa theksoi se rëndësi kanë lidhjet mes bizneseve të vendeve. Krerët e qeverive të Tiranës dhe Prishtinës, ranë dakord që mbledhja e dytë e dy qeverive të zhvillohet në Tiranë më datë 23 mars, nga ku pritet të nënshkruhet disa marrëveshje me interes reciprok.