Vijon hetimi për skandalin në qendrën residenciale të Shkodrës ku u abuzuan seksualisht dhe u dhunuan barbarisht tre vajza jetime. Sipas burimeve nga prokuroria vajzat veçse janë abuzuar seksualisht e vërtetuar kjo nga ekspertiza mjekësore dhe rrahur, i janë gjetur në trup hematoma dhe diegie nga cigarja ,çka nënkupton veprime çnjerëzore mbi të miturat.

Shqiptarja.com mëson se dosjes së hetimit tashmë do ti shtohet edhe një verifikim i të gjithë fëmijëve të qendrës për të dalë në një rezultat konkret se çfarë ka ndodhur me to.

Ndërkohë një ditë më parë një nga vajzat e abuzuara në këtë qendër ka pohuar përpara psikologut të Avokatit të Popullit se janë abuzuar seksualisht nga djali i ish drejtoreshës së kësaj qendre, Albana Llazani gjatë një ekskursioni.

Sipas dëshmisë së të miturave, djemtë më të mëdhenj i detyronin ato të shihnin filma erotikë nga platforma dixhitale, duke i detyruar madje vajzat që të kryenin të njëjtat veprime si në filma. Ajo çka i favorizonte abuzuesit që të kryenin aktet e tyre, ishte fakti se kujdestaret largoheshin me orë të tëra nga qendra