Alarmoi Kuvendin dhe politikën për ngërçin ligjor dhe pamundësinë e ushtrimit të kompetencave të parashikuara në Kushtetutën e re, por disa ditë më pas, Presidenti Bujar Nishani është shndërruar vetë në protagonist i bllokimit të zbatimit të projektit kushtetues dhe i ngritjes së institucioneve të reja të drejtësisë. I gjendur mes dy zjarreve, mes presionit të Perëndimit dhe linjës së Sali Berishës, kreu i shtetit ka vendosur të ndjekë përkohësisht një rrugë të ndërmjetme, duke mos firmosur ligjin e Vetingut, i miratuar në 30 gusht nga Parlamenti.