Lehtësimi i procedurave doganore ka qenë kryefjala e takimit të sotëm të Këshillit të Investimeve, i zhvilluar në Ministrinë e Ekonomisë.

Ministrja Milva Ekonomi tha se një seri lehtësimesh janë parashikuar në Kodin e ri Doganor, I cili është konsultuar me grupet e interesit.

?Lehtësimi i procedurave doganore është një prej temave të cilave votuam në mbledhjen e fundit, ku i dhamë sekretarioatit të drejtën të bëjë një hulumtim mbi këtë temë?, tha Ekonomi.

Kodi i ri Doganor do të hyjë në fuqi nga 1 qershori I këtij viti, ndërkohë që Drejtoria e Përgjithëshme e Doganave ka nisur një fushatë konsultimesh me biznesin për njohjen e tij.