Subscribe në Ora News këtu http://bit.ly/1s5j7UT

Rrjedha e lumit Drin përgjatë viteve të fundit ka gërryer tokat pranë banesave të rreth 40 familjeve në lagjen ?Bahçallek? të Shkodrës. Banorët thonë se ndihen të kërcënuar nga vërshimi i ujrave, ndaj kërkojnë nga shteti ngritjen e argjinaturës, për të shpëtuar shtëpitë nga përmbytjet. Largësia që kanë ujërat e Drinit nuk është më shumë se 20 metra dhe nëse nuk ndërhyhet në kohë, ata thonë se më vonë do të jetë e pamundur të ndalen dëmet.
Banor 1: Drini ka degraduar në atë masë sa po nuk u morën masa shpejt, është e vështirë që të ndalohen dëmet që do të bëjë.
Banor 2: Këto prita janë degraduar dhe nuk bëjnë. Nuk e mbajnë më Drinin, nuk e mbajnë më të keqen. Sepse Drini ka marrë një kthesë këtu edhe e rrethon pjesën e tokës. Po filloi këtu, lagjia nuk shpëton për një muaj.
Banor 3: I bëjmë thirrje shtetit, organeve kompetente që të vijnë të shohin se ku është gjendja sot.
Problemin e pranon edhe Bashkia Shkodër, por thotë se duhet që projektin final dhe financimin ta bëjë Bordi i Kullimit dhe qeveria Shqiptare, pasi kostoja që kërkohet është e lartë.

Për më shumë lexoni në: http://www.oranews.tv/vendi/shkoder-erozioni-rrezikon-banesat-ne-bahcallek/