Fushë-Kruja dhe rrethinat e saj janë gdhirë sot nën një mjegull të dendur. Gjatë gjithë natës dhe deri në orën 10:00 të mëngjesit të sotëm një mjegull e dendur ka mbuluar të gjithë qytetin e Fushë-Krujës dhe rrethinat e sajë.

Të gjithë akset rrugore që kalojnë në këtë zonë kanë qenë të mbuluar nga mjegulla dhe vizibiliteti nuk ka qenë i madh në akset Fushë-Kruje-Thumane, Fushë-Kruje-Rinas-Vore, Fushë-Krujë-Tirane por fatmirësisht nuk janë regjistruar aksidente.

Ndërsa në zonat rurale te zonës mjegulla ka qenë me e dendur dhe vizibiliteti ka qenë vetëm për pak metra. Kjo ka sjelle jo pak probleme ne qarkullimin normal të udhëtarëve të cilët përdorin këto akse, pasi janë akse kyçe për të udhëtuar në drejtim te aeroportit, portit, Kosovës e Tiranës.