Nisma e propozuar nga kreu i qeverisë, Edi Rama për sigurimin e detyrueshëm të pronave për shkak të fatkeqësive natyrore, është përshendetur nga kompanitë e sigurimit. Ata kërkojnë që gjithçka të bëhet me reformë ligjore, në mënyrë që askush të mos e shmangë sigurimin.

?Unë mendoj që është shumë e vonuar dhe duhet të bëhet një orë më parë. Sigurimi i pronës në radhë të parë nga përmbytjet, zjarret, tërmetet duhet të bëhet masivisht, duhet të bëhet nga Tropoja për dëborë deri në Sarandë nga përmbytjet e detit?.

Presidenti i kompanisë Eurosig, thotë se të gjithë ata që u prekën nga përmbytjet, tashmë do të ishin dëmshpërblyer, nëse do t'i kishin siguruar më parë pronat e tyre.

?Që do të thotë se 1 euro për m2 katrorë do të thotë 50 euro për një sigurim shtëpie. Dhe nga sot ai do të kishte marrë 5000 euro për atë dëmtim shtëpie që i pamë në televizion, qoftë për mobilet, qoftë për pulat apo edhe për lagështinë që ka marrë në shtëpi për t?i dhënë një hyrje?.

Sipas tij, kompanitë e sigurimit kanë kapital të mjaftueshëm për të përballuar të gjitha llojet e fatkeqësive dhe katastrofave natyrore.

?Ne ju sigurojmë në bazë të kapitalit tonë të gjithë pjesën tjetër në bazë të rregullave të shtetit shqiptar ne e eksportojmë riskun jashtë. Janë kompanitë e sigurimit që na përgjigjen mbi kapitalin tonë që kemi".

Aktualisht, sigurim të pronave sipas Morinës, bëjnë vetëm ata që pronat i kanë lënë si kolateral në bankë. Ai shton se shteti duhet ta nisë së pari nga vetja, duke siguruar të gjitha institucionet publike, si shkolla spitale, etj.