Dalja e lumit Vjosa nga shtrati krijoi një situatë dramatike edhe në Qarkun e Fierit, ku shumë fshatra ishin dje nën pushtetin e ujit. Por ditën e sotme situata paraqitet më e qetë dhe ka një rënie të nivelit të ujit rreth 200 metra nga rruga kryesore Levan-Ferras.

Deri tani janë përmbytur 70 banesa në fshatrat Kashisht, Cerven. Ndërsa në Ferras janë përmbytur 2500 ha tokë bujqësore. Shumë kabina elektrike janë stakuar për shkak të nivelit të ujit, ndërsa në Qarr është përmbytur një nënstacion elektrik 35 kw.