5 autobusë të fshatrave të njësive administrative Labinot Fushë dhe Labinot Mal janë bllokuar sot dhe nuk janë lejuar të futen në qytet. Policia bashkiake ka vendosur edhe bllokazhe në rrotat e tyre pasi sipas këtij institucioni nga drejtuesit e autobusëve nuk po zbatohet një vendim të Këshillit Bashkiak për ndryshimin e terminalit.
Shoferët shprehen se janë njoftuar dy ditë më parë që të mos vijnë më në këtë vend sepse nuk do të ketë më terminal autobusësh. Terminali është caktuar në një vend tjetër, që sipas tyre është larg dhe nuk i hyn në punë banorëve të zonës.

Shoferët ankohen se kanë paguar të gjitha detyrimet dhe taksat dhe se kërkojnë një zgjidhje pasi terminali i caktuar nga Këshilli Bashkiak është shumë larg.

Sipas tyre ka banorë të zonës që kanë halle, ka nxënës shkollash dhe njerëz të tjerë nevojtarë që terminali të cilët kërkojnë që të caktohet një vend në interes të tyre.

Edhe banorët shprehen se po i çojnë arkat në krah dhe se do të detyrohen që të çojnë prodhimet e tyre me kafshë transporti në treg. Edhe ata e konsiderojnë të padrejtë vendimin e këshillit

Ka reaguar menjëherë bashkia Elbasan me anë të Përgjegjësit të Transportit të Bashkisë Elbasan Eduart Bordi.

Sipas Bordit, Këshilli Bashkiak ka caktuar që vendqëndrimi i autobusëve të rregullohet me tre terminale.