http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Opozita ka përsëritur akuzën se qeveria shqiptare është e lidhur me trafikun e drogës, duke e mbështetur këtë akuze ne aksionin e fundit ne vendin fqinj, Italisë ku u kapen 2.5 ton kanabis sativa. Sipas kreut te departamentit te sigurisë ne PD, Enkelejd Alibeaj nuk është hera e pare qe gomone me tonelata droge të nisura nga Shqipëria kapen nga Guardia di Financa duke sfiduar policinë shqiptare .



Dhe në fakt nuk ka si ndodh ndryshe, kur vendi qeveriset nga një kryeministër vëllai i të cilit është i përfshirë direkt në trafikun e kokainës. Kjo ndodh në vendin ku vëllai i ministrit të Brendshëm është i dënuar në Itali për trafik droge, por mbrohet nga qeveria dhe nuk ekstradohet për tu përballur me drejtësinë e vendit fqinj.



Sipas opozitës e gjithë qasja e kësaj qeveria shpjegon pse nuk ndalohet gomonia me 2.5 ton drogë duke nisur nga imuniteti qe mazhoranca i dha Sajmir Tahirit, tek mbrojtja e vëllait te kryeministrit apo edhe te vëllait te ministrit te brendshëm.



Policia mbyll sytë para 2.5 tonëve drogë dhe mbron vëllezërit!



Qeveria bëhet e verbër dhe nuk e sheh detin me drogë, sepse kryeministri Edi Rama është vetë koka e triadës së trafikut të drogës dhe krimit në Shqipëri.



Sipas PD situate është alarmante pasi ne një kohe qe nuk është zbardhur e vërteta e kokainës se Maminasit me vlerë 180 milionë euro, një tjetër sasi rekord kokaine është kapur në Spanjë.