After months of speculations, actor Arjun Rampal and wife Mehr Rampal have officially announced separation. Arjun and Mehr have been married for 20 years and have two daughters Mahikaa (16) and Myra (13).
#ArjunRampal
#MehrRampal

కొన్ని రోజులుగా వినిపిస్తున్న వదంతులను నిజం చేస్తూ బాలీవుడ్ స్టార్ కపుల్ అర్జున్ రాంపాల్, అతడి భార్య మెహర్ విడిపోతున్నట్లు ప్రకటించారు. తమ 20 ఏళ్ల దాంపత్య జీవితానికి ముగింపు పలుకుతున్నట్లు అఫీషియల్‌గా వెల్లడించారు. వీరికి మహికా (16), మైరా (13) అనే కూతుర్లున్నారు. తాము పరస్పర అంగీకారంతో విడిపోతున్నామని ఓ ఆంగ్లపత్రికతో వెల్లడించిన ఈ జంట అందుకు గల కారణాలు వెల్లడించడానికి ఇష్టపడలేదు.
మా 20 ఏళ్ల అందమైన ప్రయాణంలో ఎన్నో అనుభూతులు, జ్ఞాపకాలు ఉన్నాయి. అయితే ఇకపై మా ప్రయాణం కలిసి సాగదు. మా గమ్య స్థానాలు వేర్వేరు అని అర్థమైంది. అందుకే ఈ నిర్ణయం తీసుకున్నాము అని అర్జున్ -మెహర్ సంయుక్త ప్రకటనలో తెలిపారు. అయితే తమ పిల్లల సంరక్షణ విషయంలో ఇద్దరూ బాధ్యతాయుతంగా వ్యవహరిస్తామని తెలిపారు.
మా నిర్ణయాన్ని ఫ్యామిలీతో పాటు, పిల్లలు అర్థం చేసుకున్నారు. ఈ విషయంలో మేము ఇక ఎలాంటి ప్రకటనలు చేయదలుచుకోలేదు. మా ప్రైవసీకి ఎవరూ భంగం కలిగించవద్దు అని ఈ సందర్భంగా వారు కోరారు.
1998లో అర్జున్-మెహర్ వివాహం జరిగింది. సుదీర్ఘ కాలం పాటు వీరు అనోన్య దంపతులుగా తమ హవా కొనసాగించారు. హృతిక్ రోషన్-సుజానె విడిపోయిన సమయంలో దానికి కారణం అర్జున్ రాంపాల్ అనే పేరు వినిపించింది. సుజానెతో అతడికి ఎఫైర్ ఉన్నట్లు అప్పట్లో పుకార్లు షికార్లు చేశాయి. అప్పటి నుండే అర్జున్ రాంపాల్, మెహర్ కాపురంలో కూడా విబేధాలు మొదలయ్యాయట.