Pas grabitjeve në një sërë pikash karburantesh në qytetin e Fierit, kanë dalë para gjykatës dy të dyshuarit, Anna Malaj dhe Emiljano Gremi.

Dy kushërinjtë u ndaluan nga policia pasi kishin kryer një grabitjen e 300 mijë lekëve të vjetra në një karburant në Levant të Fierit dhe tentuan të vjedhin edhe dy pika të tjera por pa sukses.

Për të realizuar grabitjet Anna Malaj nga Mallakstra dhe kushuriri i saj përdornin një pushkë gjahu dhe një automjet të cilit i vendosnin targa të vjedhura. Në dëshminë e saj para policisë, Anna Malaj, u shpreh se kur kryeu grabitjen ishte e dehur dhe se donte të hakmarrjes sepse punonjësi i karburantit i kishte kthyer më pak para gjatë një vizite disa ditë më parë.