LEZHË- Dy makina janë përplasur me njëra-tjetrën në rrugën e Kombit, në vendin e quajtur Fang të Rubikut.

Si pasojë e aksidentit dy persona të identifikuar si Jak Syla, 63 vjeç dhe Myftar Kovaçi, 52 vjeç kanë humbur jetën dhe tre të tjerë kanë mbetur të plagosur.

Burime për Report Tv, njëra prej makinave tip Volkswagen Sharon po shkonte nga Puka në Tiranë dhe me vete kishte edhe dru zjarri, ndërsa Mercedezi po shkonte për në Kukës.