Kryetari i partisë së pensionistëve të Shqipërisë, Selami Jenisheri rrezikon mandatin e deputetit, vetëm pak ditë pasi u betua në Kuvend. Mësohet se Jenisheri ka fshehur në formularin e dekriminalizimit një dënim të marrë në vitin 2001. Ai ishte dënuar me 8 muaj burg me akuzën për tjetërsim pronash.

I kontaktuar nga Report Tv, Jenisheri ka pranuar se është dënuar nga Gjykata e Shkodrës për akuzën e tjetërsimit të pronave, por se e ka apeluar këtë vendim, të cilin më pas e ka fituar në Gjykatën e Lartë.

Jenisheri kërkonte nga kryetari i partisë demokratike, Lulzim Basha që t?i rikonstruktonte godinën e partisë së tij, pasi në rast të kundër do të pranonte të merrte mandatin. Duke qenë se Basha nuk i plotësoi këtë kërkesë, Jenisheri vendosi të pranonte mandatin dhe u bë pjesë e opozitës së re. Për këtë arsye, bërjen publike të këtij dënimi, Jenisheri e cilëson si një hakmarrje nga ish-aleati i tij.

Kreu i partisë së pensionistëve të Shqipërisë mori mandatit e deputetit më 14 maj. Ai vjen nga lista e Partisë Demokratike në Shkodër, i cili arriti të siguronte një karrige në Parlament pas djegies në bllok të mandateve nga PD-LSI.