Kur zihen dy, përfiton një i tretë"...kjo shprehje popullorë, për gazetarin dhe analistin Ben Andoni zë vend edhe për situatën aktuale politike në Kosovë. Sipas Andonit, nga mosmarrëveshja mes VV dhe LDK-së për qeverinë e re, por përfiton presidenti Hashim Thaçi. Në studion e 'Repolitix' në Report Tv, Andoni tha se nëse kjo situatë do të vazhdojë, gjasat janë që Thaçi të marrë një tjetër mandat.

"Po përfiton Thaçi, mund të marr një mandat tjetër presidencial. Të dyja partitë në këto kushte nuk e zgjedhin dot presidenti, kur konflikti është i tillë që në hapat e para, mendoje më vonë, Thaçi po përfiton nga kjo kohë, nga rreshtat e dytë që ai ka një lidhje të ngushtë. LDK dhe PDK kanë ndasitë, por gjithmonë e gjejnë gjuhën e përbashkët", tha Andoni.