SHKODËR- Një 23 vjeçar është ndarë nga jeta pasi është qëlluar me armë zjarri në Shkodër. Mësohet se ngjarja ka ndodhur në lagjen "Qafëhardhi" në qytetin e Shkodrës.

Burime për "Report Tv" bëjnë me dije se 23 vjeçari Gledis Kraja është qëlluar me automatik në shpatull dhe menjëherë është dërguar në Spitalin Rajonal të Shkodrës, por fatkeqësisht nuk ka arritur të mbijetojë.Teksa po kalonte në rrugë me makinën e tij, në drejtim të Gledis Krajës është qëlluar me 14 plumba.

Në vendngjarje ndodhen shërbimet e policisë, për sqarimin e rrethanave të ngjarjes.