కృష్ణా జిల్లా జగ్గయ్యపేట మండలం పెనుగంచిప్రోలు గ్రామం పేరు అందరూ వినే ఉంటారు.. అక్కడ తిరుపతమ్మ తల్లి బాగా ఫేమస్. ఆ పెనుగంచిప్రోలు గ్రామంలోని కేవీఆర్ గార్డెన్స్‌లో ఓ వివాహం జరుగుతుంది. ఇంకాసేపట్లో పెళ్లి అయిపోతుంది అనగా.. కరెంట్ పోయింది. ఫంక్షన్ హాల్.. పైగా ఏసీది కాబట్టి జనరేటర్ ఉండటంతో అక్కడ పనిచేసే ఎలక్ట్రికల్ సిబ్బంది జనరేటర్ ఆన్ చేశారు.. దీంతో ఒక్కసారిగా జనరేటర్ షార్ట్ సర్క్యూట్ అయింది.

షార్ట్ సర్క్యూట్‌తో పెళ్లి మంటపంలో పెద్ద ఎత్తున మంటలు వ్యాపించడంతో.. పెళ్లి కొడుకు, పెళ్లి కూతురితో పాటు ఆ ఫంక్షన్ హాల్‌లోని 300 మంది అక్కడి నుంచి పరుగులు తీశారు. సమయానికి తిరుపతమ్మ తిరునాళ్లకు వచ్చిన అగ్నిమాపక శకటం అందుబాటులో ఉండటంతో వెంటనే మంటలు ఆర్పేశారు. ఈ ఘటనలో ఎవరికీ ఎలాంటి ప్రమాదం చోటుచేసుకోకపోవడంతో అందరూ ఊపిరి పీల్చుకున్నారు.