नेत्याचा वाढदिवस म्हणजे सर्वात धुमधडाक्यात तयारी करतात ते म्हणजे कार्यकर्ते.. कुठे बॅनर लाव, होर्डींग लाव किंवा मोठी पार्टी अरेंज केली जात. म्हणजे नेत्याला खुश करण्यासाठी कार्यकर्ते
सर्वतोपरी प्रयत्न करतात. पण एका पक्षाच्या कार्यकर्त्याने आपल्या नेत्याच्या वाढदिवसानिमित्त अस काहीही न करता एक अनोखी भेट दिली. काँग्रेसचे मंत्री अमित विलासराव देशमुख यांचा 21 मार्चला वाढदिवस होता आणि आपल्या नेत्याच्या वाढदिवसानिमित्त वायफळ खर्च न करता त्यांच्या एका कार्यकर्त्यानं एका निराधार मुलीला मायेचा आधार दिला म्हणजे तिला तिच्या शिक्षणाचा खर्च उचलंत तिची स्वप्न पूर्ण करण्यासाठी एक मदतीचा हात पुढे केला.बुलढाण्यातील खामगाव येथील काँग्रेस पक्षाचे सचिव धनंजय देशमुख यांनी करोना काळाच आईवडीलांचे छत्र हरवलेल्या प्रियंका अमोल भाग्यवंत या मुलीच्या डोक्यावर मायेचा हात ठेवला. तिच्या संपुर्ण शिक्षणाची जबाबदारी स्वीकारत खऱ्या अर्थाने सामाजिक बांधिलकी जपली .