राज्याचे पर्यावरण मंत्री आदित्य ठाकरे यांच्या सुरक्षा ताफ्यातील गाडीला अपघात झाला. खारेपाटण चेक पोस्ट नजीक ही घटना दुपारी १२ च्या सुमारास घडली. आदित्य ठाकरे सिंधुदुर्गवरून रत्नागिरीला जात असताना हा अपघात झाला. आदित्य ठाकरे यांच्या गाडीच्या मागे या गाड्या असताना, एका गाडीने ब्रेक मारला.ताफ्यातील दोन ते तीन वाहने एकमेकांवर धडकून हा अपघात झाला. या अपघातात कोणी जखमी झाले नसून या वाहनांचे मोठे नुकसान झाले आहे.