भारतामध्ये कुटुंब नियोजनात पुरुषांच्या नसबंदीचं प्रमाण केवळ 0.3 टक्के इतकं आहे. वेगवेगळ्या कारणांमुळे पुरुष नसबंदी करण्यासाठी तयार होत नाहीत. आता राज्य सरकारच्या सार्वजनिक आरोग्य विभागाकडून कुटुंब नियोजनाचा उपक्रम राबवण्यात येत आहे. त्या किटमध्ये महिलांसाठी आणि पुरुषांसाठीही अनेक गोष्टींचा समावेश करण्यात आला होता. पण पुरुषांसाठी असलेल्या त्यातल्या काही गोष्टींना विरोध करण्यात आला होता. नसबंदीचा तर दुरदुर पर्यंत संबंध येत नाही. पण अस असतानाही तब्बल पाच वर्षांपूर्वी हा धाडसी निर्णय घेतला परभणीतल्या डॉ. पवन चांडक यांनी . 2017च्या मे महिन्यात त्यांनी नसबंदी करून घेतली. धाडसी निर्णय यासाठी म्हटलं कारण पुरुषांच्या नसबंदीबाबत अनेक गैरसमज आहेत. जसं की नसबंदीची शस्त्रक्रिया केल्यास पुरुषाच्या पुरुषत्वावर परिणाम होतो किंवा तो अवजड काम करू शकत नाहीत. त्यामुळे या वाट्याला कोणी शक्यतो जात नाही. नसबंदीचा निर्णय घेणं, डॉ. पवन यांच्यासाठी खरतरं सोपं नव्हतं. पण त्यांनी पत्नी आणि कुटुंबीयांना विश्वासात घेतलं आणि समजावलं.तरही वंशाला दिवा हवा असे सल्ले त्यांना मिळाले. मुलासाठी एकप्रकारे सामाजिक दबाव त्यांच्यावर होता. तर त्यांच्या पत्नीची डिलिव्हरी सिझेरियन झाली . त्यावेळी दोन्ही डिलिव्हरच्या वेळेस जो काही त्रास तिला भोगावा लागला. त्यामुळे मग डॉक्टरांनीच नसबंदीची शस्त्रक्रिया करायचं ठरवल असल्याच त्यांनी म्हटलं,