Telangana Cabinet Meeting : హైదరాబాద్ మెట్రోపాలిటన్ డెవలప్‌మెంట్ అథారిటీ(HMDA) పరిధిని ఆర్​ఆర్​ఆర్​ వరకు విస్తరించేందుకు మంత్రివర్గం గ్రీన్ సిగ్నల్ ఇచ్చింది. సుమారు 30వేల ఎకరాల్లో ఫ్యూచర్ సిటీ నిర్మించాలని కేబినెట్​ నిర్ణయించింది. దాని కోసం ప్రత్యేకంగా ఫ్యూచర్​ సిటీ డెవలప్​మెంట్​ అథారిటీని ఏర్పాటు చేయాలని తీర్మానించింది. తెలంగాణ టూరిజం పాలసీ 2025-20230కి కేబినెట్​ ఆమోదముద్ర వేసింది.

నాగార్జునసాగర్ హైవే నుంచి శ్రీశైలం హైవే మధ్య సుమారు 30 వేల ఎకరాల్లో ఫ్యూచర్ సిటీని అభివృద్ధి చేయాలని కేబినెట్ నిర్ణయించింది. దీనికోసం ఫ్యూచర్ సిటీ డెవలప్‌మెంట్‌ అథారిటీ(FDCA) ఏర్పాటుకు ఆమోదముద్ర వేసింది. హైదరాబాద్ మెట్రోపాలిటన్ డెవలప్‌మెంట్ అథారిటీ(HMDA) పరిధిని ఆర్​ఆర్​ఆర్​ వరకు విస్తరించేందుకు కేబినెట్ గ్రీన్ సిగ్నల్ ఇచ్చింది. హెచ్​ఎండీఏ పరిధి 11 జిల్లాల్లోని 104 మండలాల్లోని 1,355 గ్రామాలకు విస్తరించనుంది. కొత్తగా 332 రెవెన్యూ గ్రామాలు హెచ్​ఎండీఏ పరిధిలోకి వస్తాయని మంత్రి పొంగులేటి శ్రీనివాసరెడ్డి వెల్లడించారు.