مازلنا في مصر .. و مع بدء العام الدراسى اليوم فى محافظتى القاهرة والجيزة.. بيشوف البعض إن البداية تعتبر هادئة مقارنة بالعام الماضي .. رغم دعاوى حركات المعلمين المستقلة للإضراب عن العمل .. للمطالبة بتحسين أوضاع المعلم المادية والمهنية .. ورفع الحد الأدنى للأجور.
قال عبد الناصر إسماعيل .. منسق اتحاد المعلمين .. إن إضراب المعلمين السنة دي أقل حدة من السنة اللي فاتت.. حيث لم يتم إغلاق أى مدرسة .. إلى جانب عدم امتناع المعلمين عن الحضور .. رغم إضراب عدد منهم عن الشرح.
في الفيديو التالي اللي كتب عليه صاحبه هنمضي حضور لكن مش هنشتغل .. بتظهر خيام المعلمين المعتصمين امام مجلس الوزراء .. للمطالبة بتحسين اوضاعهم و زيادة رواتبهم. وبيظهر في الفيديو ايضا احد المعلمين من امام الخيام .. وهو بيشرح ان المعلمين بداوا اضراب جزئي .. و بيطالبوا بالموافقة علي مطالبهم. واكد ان المدرسين بيحضروا .. لكن بعضهم بيمتنع عن الشرح.