29 prilli është data e fundit kur partitë politike do të duhet të dorëzojnë listat shumëemërore të kandidatëve për deputetë sipas qarqeve. Kur kanë ngelur jo më shumë se dy javë nga ajo datë, në selinë e Partisë Socialiste janë projektuar emrat kryesorë se kush do të drejtojë qarqet dhe se kush do të jenë kandidatët potencialë.

Ministrat janë thuajse të gjithë drejtues qarqesh, ndërsa janë shpërndarë nëpër qarqe deputetët aktualë, sikundërse ka edhe prurje të reja jo pak surprizuese.