VLORË-Ministri i Bujqësisë, Edmond Panariti, ka vizituar sot në qytetin e Vlorës "Festën e Vajit të Ullirit 2014", në të cilën ka deklaruar angazhimin e qeverisë për të nxitur me anë të subvencionimeve prodhimin e mëtejshëm të vajit vlonjat.

"Vlora është prodhuesja dhe kultivuesja e ullirit në vend. Kërkojmë tregtimin jashtë kufijve të vajit në Zvicër, Amerikë e vende të tjera. Subvencionimi do të synojë drejt rritjes së cilësisë dhe standarteve."-u shpreh Panariti.

Sipas ministrit qeveria do të garantojë mbështetje maskimale për prodhuesit dhe përpunuesit e vajit të ullirit.