http://www.vizionplus.tv
https://facebook.com/VizionPlusTV
https://twitter.com/VizionPlusTV
Kryetari aktual, njëkohësisht, kandidat i bashkisë së Durrësit, Vangjush Dako ka inauguruar këtë të premte një tjetër rrugë në zonën e Shkozetit. Segmenti lidh rrugën kryesore Shkozet-Shijak me autostradën Durrës-Tiranë. Gjatë inaugurimit, Dako është takuar edhe me banorët e kësaj zone të cilëve u ka premtuar se të gjitha lagjet e bashkisë së re të Durrësit që nga Ishmi deri në Rrashbull do të asfaltohen dhe do të rikualifikohen. Rruga e re u vjen në ndihmë rreth 500 banorëve të kësaj zone dhe bizneseve. Ndërkohë edhe kandidatja e opozitës për bashkinë e Durrësit Grida Duma është takuar me banorët e Rrashbullit ku është njohur me problemet sociale e ekonomike te këtyre banorëve. Grida Duma u ka siguruar banorëve se nuk do të zhgënjehen nga besimi që do i japin me votën e tyre.