ભાજપ શાસિત કર્ણાટકમાં કોંગ્રેસની ભારત જોડો યાત્રાને ત્રણ દિવસ થઈ ગયા છે. રવિવારે રાહુલ ગાંધીએ અહીં નાંજનગુડમાં પ્રખ્યાત પ્રાચીન શ્રીકાંતેશ્વરા સ્વામી મંદિરની મુલાકાત લીધી હતી. આ પછી સાંજે તેમણે મૈસૂરના APMC મેદાનમાં એક રેલીને સંબોધિત કરી. આ દરમિયાન મધ્યમાં ધોધમાર વરસાદ શરૂ થયો હતો. જોકે રાહુલ ગાંધીએ તેમનું સંબોધન ચાલુ રાખ્યું હતું. અહીં તેમણે ભાજપ અને આરએસએસ પર જોરદાર નિશાન સાધ્યું. આ પછી તેઓ વરસાદ વચ્ચે પાર્ટી કાર્યકર્તાઓને પણ મળ્યા. કોંગ્રેસના નેતાઓ અને કાર્યકરો વરસાદ વચ્ચે રાહુલ ગાંધીના ભાષણનો વીડિયો સોશિયલ મીડિયા પર શેર કરી રહ્યા છે.